‎Kuri uyu wa Gatatu, tariki ya 24 Kamena 2026, ni bwo APR FC yatangaje uyu mukinnyi wigaragaje cyane mu mwaka w'imikino ushize wa 2025/2026. Mu butumwa bw'ikaze yashyize hanze, iyi kipe yagize iti "Intare nshya yinjiye mu muryango, izanye ishyaka, umuhate, n’inyota yo kurwanira ibirango by’umukara n’umweru.”

‎

‎Uwiyaremye abaye umukinnyi wa kane mushya utangajwe n'iyi kipe muri iyi mpeshyi, akaba aje yiyongera kuri Rubuguza Jean Pierre, Ishimwe Christian, ndetse n'Umunya-Côte d'Ivoire Amani Kouadiokan. Aba bakinnyi bashya baje kuziba icyuho cy'abarekuwe barimo Mugisha Gilbert, Niyomugabo Claude, Aliou Souané, Mamadou Sy na Mahamadou Lamine Bah.

‎

‎Nyamukandagira iri kwitegura guhagararira u Rwanda mu marushanwa akomeye mpuzamahanga arimo CECAFA Kagame Cup izabera i Kigali ndetse na CAF Champions League.