Uyu mukinnyi w'imyaka 22 yahawe aya masezerano nyuma yo kwitwara neza mu ikipe ya AS Real Bamako yafashije gusoreza ku mwanya wa gatatu muri Shampiyona.
Djiguiba yatsinze ibitego umunani byatumye ahembwa nk'umukinnyi wahize abandi imbere mu gihugu cye mu bihembo bitangwa n'Ishyirahamwe rya Ruhago muri Mali.
Bivugwa ko yemeye kwerekeza muri iyi kipe nyuma yo guhabwa asaga miliyoni 36,6 Frw kugira ngo aze kuyifasha mu marushanwa arimo CECAFA Kagame Cup na CAF Confederation Cup.
Uyu musore yahamagawe bwa mbere mu Ikipe y'Igihugu ya Mali mu kwezi gushize kwa Kamena, aho yakinnye umukino wa gicuti batsinzwemo na Iran 2-0. Usibye AS Real Bamako, Djiguiba yakiniye andi makipe y'iwabo arimo Yeelen Olympique ndetse na US Bougouba.
Uyu Munye-Mali aje asanga abandi banyamahanga bashya ikipe iheruka kugura barimo Ibrahim Djingarey, Antonio Atisso Kodjo ndetse na Charles Tchouplaou.
Kugeza ubu Rayon Sports ikomeje imyiteguro y'umwaka utaha w'imikino, ikaba yaratangiye umwiherero mu Karere ka Gicumbi.
Iyi kipe yambara uburur n'umweru kandi irimo kwitegura umunsi mukuru wayo ngarukamwaka wa Rayon Day uteganyijwe tariki ya 18 Nyakanga 2026.
Leave a Comment