Victor Wembanyama yirukanywe bwa mbere muri NBA akubise inkokora umukinnyi wa Timberwolves

Victor Wembanyama, Umufaransa w’imyaka 22 ukinira San Antonio Spurs, yirukanywe mu mukino bwa mbere mu rugendo rwe muri NBA kubera gukubita inkokora umukinnyi wa Minnesota Timberwolves, Naz Reid Spurs yatsinzwe na Timberwolves amanota 114-109 mu mukino wa 4 wa ½ cy’irangiza cy’Uburengerazuba.

Mu gice cya kabiri cy’umukino, Wembanyama yafashe umupira wari uvuye mu nkangara maze ahindukira akubita Naz Reid inkokora mu kananwa. Abasifuzi babanje kubyita ikosa risanzwe, ariko abafana bari muri Minneapolis batangira kuririmba ngo "mumwirukane". Nyuma yo gusubiramo amashusho, ikosa ryazamuwe riba _flagrant 2_, bivuze kwirukanwa mu mukino ako kanya no gucibwa amande ya $2,000 byibura.

Ubwo byatangazwaga ko yirukanwe, Wembanyama yabajije mugenzi we Harrison Barnes ati: "Ibyo bivuze iki?".

 Wembanyama yavuyemo afite amanota 4 n’imipira 4 yagaruye mu minota 13 gusa.  

De'Aaron Fox na Dylan Harper ba Spurs buri umwe yatsinze amanota 24.  

Naz Reid wa Timberwolves yatsinze amanota 15 afata n’imipira 9 yagarutse avuye ku ntebe y’abasimbura.

Intsinzi ya Timberwolves yatumye banganya Spurs 2-2 mu ruhererekane rw’imikino 7. Umukino wa 5 uzaba ku wa Kabiri i San Antonio.