‎Ikipe ya Sabah Baku ikinamo rutahizamu w’Ikipe y’Igihugu y’u Rwanda Amavubi, Joy Lance Mickels, yegukanye Igikombe cya Shampiyona y’Icyiciro cya Mbere muri Azerbaijan cy'umwaka w'imikino wa 2025/26 mu gihe habura imikino ine ngo irangire.

‎

‎Ibi byemejwe kuri uyu wa Kane tariki ya 30 Mata 2026 nyuma y’uko ikipe ya Qarabağ FK iri ku mwanya wa kabiri itsinzwe na FK Neftchi ibitego 2-1 mu mukino w'umunsi wa 30 wa Shampiyona.

‎

‎Gutsindwa kwa Qarabağ FK byatumye iguma ku manota 59 n'ibitego 39 izigamye bityo ikaba isigaye irushwa amanota 13 na Sabah FK iyoboye urutonde rwa Shampiyona n’amanota 72 n'ibitego 48 izigamye.

‎

‎Kugeza ubu rutahizamu Joy Lance Mickels ni we uyoboye urutonde rw'abamaze gutsinda ibitego byinshi muri iyi Shampiyona, aho afite ibitego 18, akarusha ibitego birindwi Bassala Sambou ukinira ikipe ya Neftçi.

‎

‎Ikipe ya Sabah FK ifitanye umukino na Shamakhi ku Cyumweru tariki ya 3 Mata 2026 ndetse ikazakurikizaho Kapaz mbere y’uko ihura na Zira ikinamo Abanyarwanda Mutsinzi Ange na Leroy-Jacques Mickels mu mukino wa nyuma w'Igikombe cya Azerbaijan.