Casemiro, umukinnyi wa Brésil uzava muri Manchester United muri iki gihe cy’impeshyi, yasabye ubuyobozi bwa Manchester United guha Michael Carrick akazi k’umutoza mukuru burundu.
Yabivugiye ku gitangazamakuru ,avuga ko Carrick yakoze ibirenze bihagije kugira ngo abone ako kazi, nubwo atamenyekana nk’abandi batoza bakomeye.yabivuze kuwa 12.05.2026.
Casemiro yagize ati". Arabikwiye kuguma hano ikipe ikina neza cyane muri iki gihe cya Carrick.Atsinda imikino yose. Ikipe iratera imbere buri munsi. Kuri njye arabikwiye, kuko ikipe imerewe neza kandi dufite intsinzi zikomeye.”
-Yagereranyije uburyo Carrick ayobora abakinnyi n’ubwa Carlo Ancelotti, avuga ko Carrick azi ibyo abakinnyi bakeneye kumva, azi ikipe neza, kandi arabikwiye.
Michael Carrick yafashe ikipe by’agateganyo asimbuye Ruben Amorim wirukanwe. Kuva icyo gihe yatsinze imikino 12 muri 17, atsindwa 2 gusa, maze ageza United mu mikino ya Champions League y’umwaka utaha.
Ubuyobozi bwa United buvuga ko buzafata umwanzuro nyuma y’uko shampiyona irangiye. Nyir’ikipe, Sir Jim Ratcliffe, ashaka kumenya umutoza vuba kugira ngo atangire gutegura umwaka utaha.
Nubwo Carrick ari gukora neza, United iracyareba n’andi mahitamo nka Luis Enrique, Julian Nagelsmann na Andoni Iraola.
Casemiro nawe yemeje ko azava Old Trafford muri iyi mpeshyi, ariko yasize asaba ko Carrick ahabwa akazi burundu.
